Շինարարության այս փուլը ոչ միայն տեխնիկապես է մասշտաբային, այլև աննախադեպ՝ իր ծավալով և միաժամանակյա իրականացմամբ։ Այսպիսով՝ իրականցվեց Հայաստանում ամենաերկար անընդմեջ բետոնալցման աշխատանքը, որի ամբողջական տևողությունը կազմեց 30 ժամ:  

Ինչպես և «Ռենշին»-ի այլ նախագծերում՝ գործընթացն իրականացվել է միջազգային բարձր չափանիշներին համապատասխան, իսկ ընթացքը վերահասկվել ոլորտի առաջատար ընկերությունների կողմից: Համաշխարհային ճարտարապետական ստուդիո՝ Laguarda.Low-ն ապահովել է թաղամասի նյույորքյան ճարտարապետական ոճը, իսկ Դուբայի, Լոնդոնի, Սինգապուրի և այլ քաղաքների ամենաբարձրահարկ շենքերի ինժեներիայի համար պատասխանատու աշխարհահռչակ Arup ընկերությունը մշակել է Skyline-ի կոնստրուկցիան և ինժեներիան։

Երևանի Բաղրամյան-Օրբելի խաչմերուկում ձևավորվող այս նոր թաղամասը տեսանելի է լինելու քաղաքի գրեթե բոլոր հատվածներից։ 35 հարկանի հինգ շենքերը սահմանում են նոր բարձրություն՝ նաև ճարտարապետական ոլորտում: Բետոնալցման մեկնարկը ոչ միայն շինարարական փուլ է, այլև խորհրդանշական պահ՝ Հայաստանի ժամանակակից քաղաքաշինության համար։ Skyline-ը ներկայանում է որպես նորարարական գաղափարների մարմնավորում՝ ամուր հիմքի վրա կառուցվող ապագայի բնակարան: