Անդրադառնալով տեղաբաշխման արդյունքներին՝ Renshin ընկերության ֆինանսական տնօրեն Քրիստինե Չիչյանը նշել է.

«Պարտատոմսերի հերթական թողարկման նման արագ տեղաբաշխումը հստակ ցուցիչ է, որ կապիտալի շուկայում ձևավորվել է կայուն և բարձր վստահություն Renshin-ի ռազմավարական տեսլականի նկատմամբ: Ներդրողների այսպիսի ակտիվ արձագանքը ևս մեկ անգամ փաստում է մեր ընկերության հանդեպ ձևավորված մեծ հետաքրքրությունը՝ որպես հուսալի թողարկողի: Ինչպես նախորդ, այնպես էլ այս փուլի արագընթաց տեղաբաշխումը մեզ համար ոչ միայն շոշափելի գնահատական է, այլև չափազանց պարտավորեցնող՝ շարունակելու գործել կորպորատիվ կառավարման, ֆինանսական կարգապահության և թափանցիկության՝ մեր որդեգրած ամենաբարձր ստանդարտներով»:

Շուկայում գրեթե 25 տարվա փորձ ունեցող Renshin-ի գործունեությունն այսօր ընդգրկում է շուրջ 1 միլիոն քմ ընթացիկ կառուցապատվող բարձրակարգ տարածք։ Ընկերության կողմից ներգրավված ներդրումները գերազանցում են 2 միլիարդ ԱՄՆ դոլարը: Ընկերությունը շարունակում է վերափոխել մայրաքաղաքի դիմագիծն ու վերաիմաստավորել քաղաքային միջավայրն այնպիսի նախագծերով, ինչպիսիք են երկնաքերերով առաջին թաղամասը՝ Skyline-ը, համաշխարհային Kempinski ցանցի կողմից բրենդավորված Artlife Kempinski Residences համալիրը, Համաշխարհային առևտրի կենտրոն Երևանը (WTCY), Թումանյան 8 հասցեում կառուցվող համալիրը և Կասկադի վերակառուցման նախագիծը: